AFAR QODOB OO UU MADAXWEYNE HASSAN SHEIKH DIIRADA KU SAARAY KHUDBADIISII SHIRKA AMNIGA SOMAALIYA EE NEW YORK.

 AFAR QODOB OO UU MADAXWEYNE HASSAN SHEIKH DIIRADA KU SAARAY KHUDBADIISII SHIRKA AMNIGA SOMAALIYA EE NEW YORK.

Madaxeynaha Somaliya Hassan Sheikh Mohamud ayaa shalay dunida usharaxay halka uu maraayo amniga somaliya, guulaha laga gaaray argagixisada, sidey somaliya uga fadieysan doonto in laga qaaday cunuqabateynta hubka xaalka amniga caasimada somaliya iyo udiyaar garowga bixitaanka ciidanka midowga afrika ee loo yaqaano ATMIS oo somaliya joogay 16 kii sano ee lasoo dhaafay.

Madaxweyne Hassan sheikh Mohamud ayaa gudoomiyay shirka amniga somaliya  oo aay ka qeyb galeen 26 wadan oo ah kuwa sida toos ah ugu lug leh arimaha amniga somaliya. Shirkaan oo ka dhacay xarunta qaramada midoobeyd ee magalada new York waxaa dalalka shalay fadhiyay kamid ah Mareykan, Engiriiska, Turkey, Qadar, Imaaraadka, Sucuudiga, Shiinaha, Japan, Talyaaniga, Hindia, Eithopia, Jabuuti, Uganda, Burundi, Germany, France, Sweden, Netherland, Finland, Spain, Norway, Jamacada carabta, Midowga Afrika iyo Midowga yurub.

Hassan Sheikh wuxuu miiska soosaaray inuu dalkiisa is badalay amni ahaan, wuxuu sheegay in argagixisada si weyn ujabiyeen, iney kiciyeen qabaailkii deganaa dhulka argagixisada hoysatay, culimada iyo ganacsatada ayuu sheegay iney inta badan daacad ka noqdeen la dagaalanka argagixisada, dagaalka dhaqaalaha eek a dhanka argagixisada ayuu madaxweynuhu ku celiyay iney ka gaareen guulo wax ku ool ah, marka leysku geeyo isbadalka waaqica bulshada. Dagaalka caqiidaha aay culimada hormuudka utahay, midka dhaqaalaha ee aay dowladu ku xirtay kuna xayirtay lacaga iyo akoono boqolaal ah oo argagixisadu adeegsan jirtay ayaa dhamaan qeexaya sida aay dowlada somaliya uga sii dhawaaneyso  iney guud ahaan dalka ka saarto argagixisada.

Dadaalka naf-hurnimada ah ee caalamku labaatankii sano la garab taagnaa somaliya ayuu amaanay kana mahadceliyay madaxweyne Hassan Sheikh, wuxuu sheegay in lasoo gaaray xiligii aay soomaaliya la wareegi laheyd masuuliyadeeda amniga. Bixitaanka ciidanka  ATMIS ayaa mar kale ka hadlay madaxweyna Hassan Sheikh Mohamuud, sida loo maareeyay  wajigii hore ee bixitaanka  ayuu sheegay iney tahay mid cadeyneysa hormarka aay gaareen ciidanka dowlada soomaaliya. Wuxuu sheegay iney wadaan dadaal fiican oo aay amniga dalka kula wareegayaan ciidanka somaaliyeed isagoo aan codsan in dib loo dhigo bixitaanka ATMIS.

Wuxuu madaxweynuhu ku faanay iney ciidanka qaranka joogaan marxalad aay sugi karaan amniga dalka kana adkaan karaan argagixisada isagoo intaas ku daray iney ku howlan yihiin sidii guulaha ciidan dowlada looga dhigi lahaa kuwa joogta ah, wuxuu soo hadal qaaday amniga caasimada, madaxweyne Hassan Sheikh wuxuu carbaabay in magalada Mogadishu aay ku jirto waqti aad uwanagsan xaga amniga, meel walbo oo magaalada ka mid ah waxa uu sheegay iney ka muuqdaan is dhex galka shacabka iyo ciidanka, wuxuu ku tilmaamay hormar weyn amniga, ganacsiga iyo dib udhiska ka socda magaalada Mogadishu wuxuu intaas ku daray in qurbo joogto iney si xoog leh uga soo laabanayaan dalkooda gaar ahaa magaalada Mogadishu ee caasimada somaliya.

Wuxuu ku adkeystay iney si togan uga faaideysanayaan cunaqabateynta hubka ee laga qaadat dalka oo iyaduna laftirkeeda ku timid isbadal aay ku sameeyeen laamaha amniga iyo hab dhaqanka hubka, wuxuu dalalka xubnaha ka ah madasha aminga somaliya ku booriyay in lasii xoojiyo wada  shaqeynta togan ee dowlada federalka somaliya ku garabsiinta qorshaha amni  ee aay u dajiyeen 6da sano ee soo aadan iyo dhameystirka geedi socodka dowladnimada somaliya, nuxurka qudbada madaxweynuhu waxey aheyd inuusan ka laaban bixitaanka ciidan ATMIS inuu shabaab soo afjari doono, in Mogadishu amni ahaan si weyn isku badashay iyo inuu ku kalsoon yahay in ciidanka dowlada somaliya aay hanan karaan amniga guud ee dalka.