Afar Cashar oo ku jiro go’aankii uu xalay qaatay Siciid Deni ee uu kaga laabtay damaciisii doorashada.

Afar Cashar oo ku jiro go’aankii uu xalay qaatay Siciid Deni ee uu kaga laabtay damaciisii doorashada.

Hogaamiyaha Puntland Siciid Abdullahi deni ayaa xalay si rasmi ah ugu dhawaaqay inuu ka laabtay goaankiisii ahaa iney Puntland ka dhacdo doorasho qof iyo cod ah waxaana uu aqbalay in la aado doorashadii hore oo aheyd  in 66 dii xubnooda golaha wakiilada Puntland soo doortaan odayaasha qabaailka, Deni ayaa muddo dhowr bilood ah lagu qancin waayay inuu dhexda soo dhiga doorashada, balse markii dambo lumiyay kalsoonidii dhaqanka waxaa kala qeybsamay baarlamaanka gaar ahaan xubnihii uqaabilsanaa arimaha doorashoyinka halka beesha caalamka aay uga digtay inuu gacan ka hadal kale uhorseedo degaanada Puntland, goaankiisii xalay ayaa kusoo aaday saacado ka dib markii odayaal waan waan ku jiray aay soo jeediyeen in baarlamaanka hada joogo hal sano looga daro iyagana aay doortaan madaxweyne iyo ku xigeenkiisa, lakin siciid deni ayaa aaday jiho taas boqolkiiba boqol ka duwan.

Dhowr cashir ayaa ku jira goaanka uu xalay qaatay siciid Abdullahi Deni, mida koobaad waa inaa damac shakhsi ah loo afduubi Karin danta guud, Deni waxaa la xasuustaa sida uu udiiday damaciis halka dhinac ahaa madaxweynihii hore Mohamed Abdulahi Farmaajo, si taas la mid ah ayaa isagana tiisii loo diiday, waa cadeynta inaa heer walbo oo dowladeed oo somalidu joogto maanta inaa hal mid lagu guuleysan Karin waana in damac shakhsi ah danta guud loo afduubo.

Mida labad waa in aan natiijada goaankiisa cidna kula macaashin, Siciid deni wuxuu iska diiday iney dadka la sheegtaan ama shirka kula noqdaan goaankiisa, wuxuu durba bogaadin ka helay dad badan oo reer Puntland ah oo ku amaanay inuu maamulka badbaadiyay oo laga baaqsaday gacan ka hadal kale, sidaan horay usheegnay madaxda uu muddo xileedka ka dhamaanayo uma fiicna iney galaan doorasho lagu qasbay, waxaa u haboon iney garashadooda weelka dhexda kusoo dhigaan si aay ugu yaraan wax un ugu dhashaan.

Saddex xili doorashooyinka is faham siyaasadeedka ayaa ka muhiimsan dastuurka, siciid abdullahi deni iyo madax kale oo soomaliyeed oo ka horeeysay ayaa dhamaan tijaabiyay iney badalaan qodobo dastuuri ah iney qortaan sharciyo ugaar ah oo aay baarlamaanada lacag badan ku bixiyaan si aay damac shakhsi sharciyad ugu raadiyaan, lakin mar walbo waxey kusoo dhamaataa oo leysla qaataa hab mucaaradka iyo muxaafadka wada aqbali karaan.

Hadii arintaan wax laga baranaayo waa in laga qaataa in heshiis siyaasadeedka ama is ogol siyaasadeedku ka xoog badan yahay qodobada dastuurka marka la joogo xiliga doorashoyinka.

Mida afaraad waa fariin ku socoto maamulada kale ee aay doorashoyinkooda soo dhow yihiin in siciid deni dib loo dooran doono iyo in kale waa jawaab lala sugaayo maalinteeda lakin hadii uu siciid deni xoogi lahaa hanaanka doorashada Puntland waxey sahli laheyd in la boobo dhamaan doorashoyinka kale ee dalka, reer Puntland waxey cashir siiyeen maamulada kale ee dalka waxaana hada bilaaban karta in maamulada kale qaarkood iyagana laga diido muddo kororsi iyo in hanaanka doorashada la xoogo.